Mustaqbalka xiddiga kooxda Napoli ee Khvicha Kvaratskhelia ayaa u muuqda mid ka sii fogaanaya gigada Diego, Armando, Maradona, ee Napoli kadib markii ciyaaryahanka reer Georgia oo loo bandhigay inay lasoo saxiixdaan kooxo badan oo waa weyn.
Sida laga soo xigtay Tutto Napoli, Khvicha ayaa loo soo bandhigay kooxo badan oo waaweyn, oo ay ku jiraan Manchester United, Real Madrid, iyo Barcelona.
Napoli ayaa haatan la daalaa dhacaysa inay qandaraas cusub ka saxiixdo xiddiga ku guulaystaha tartanka Serie A ee Khvicha Kvaratskhelia maadaama mushaarka uu kooxda ka dalbanaayo uu yahay mid wayn
Khvicha Kvaratskhelia ayaa weli ah mid ka mid ah ciyaartoyda ugu awooda badan horyaalka waddanka Talyaaniga ee Serie A, waxaana la filayaa in kooxo badan oo waa-weyn ay ka soo qeyb galaan tartanka loogu jiro saxiixiisa.
Waqtigiisa Napoli ayaa laga yaabaa inuu dhamaan doono xagaaga soo aadan, iyadoo hogaamiyaasha Serie A ay aad ugu adag tahay inay cusbooneysiiyaan qandaraaskiisa haatan.
Warbixin dhawaan la soo saaray oo ku saabsan xiisaha Manchester United ee Kvaratskhelia ayaa lagu sheegay in Red Devils laga yaabo inay soo bandhigto dalab ku kacaya 10 milyan oo euro inay siiso xilli ciyaareedkii.
Kooxda Serie A ka dhisan ayaa kaliya doonayso inay siiso 6-milyan oo euro xilli ciyaareedkii, taas oo ay ku jirto gunnooyin, iyada oo xiddiga reer Georgia uu doorbidayo inuu u dhaqaaqo horyaalka England ama Spain.
Kooxda Napoli ayaa dalban doonta 120 milyan oo euro si ay u biiso xididgooda Kvaratkhelia kaas oo laga yaabo inuu isaga hayaamo garoonka Diego Armando Maradona xili ciyaareedkan marka uu dhamaado.
