Kooxda Gunners ayaa ku dalbanaysa 60 milyan oo euro si ay ula soo wareegto xididga Juventus iyo xulka Serbia ee Dusan Vlahovic.
Kooxda Arsenal ayaa diyaar u ah inay 60 milyan oo euro ku qarash garayso saxiixa Dusan Vlahovic bisha Janaayo, iyadoo Juventus lagu soo waramayo inay ka fiirsaneyso dookheeda.
Sida laga soo xigtay Inter-Live, Arsenal ayaa si dhow u eegeysa Dusan Vlahovic ka hor inta uusan furmin suuqa kala iibsiga ee Janaayo, waxaana ay diyaar u tahay inay 60 milyan oo euro kula soo wareegto Serbian-ka.
Juventus ayaa ka fiirsanaysa mustaqbalka weeraryahanka, maadaama uu 18 bilood uga hadhsan yahay heshiiskiisa hadda marka uu furmo suuqa soo socda, mana jiro wax hadal ah oo ku saabsan cusbooneysiinta qandaraaska.
Arsenal ayaa wali lagu qasbaayaa inay la soo wareegto weeraryahan cusub iyada oo bartilmaameed uu u ahaa Dusan Vlahovic dhowrkii sano ee lasoo dhaafay.
Juventus ayaa ku faraxsan Vlahovic oo ka yimid kooxda Fiorentina iyo sida uu ula qabsaday macalknka Juventus ee Thiago Motta. Si kastaba ha ahaatee, dhinaca dhaqaalaha, waxay u muuqdaan inay dareemayan dhaqaale xumo maadama lacagaha mushaharka ah ee uu qaato, uu sii kordhayo sannad kasta marka loo eego shuruudaha qandaraaskiisa.
