“Ronaldo waxa uu si dhab ah u doonayaa inuu qaato diinta Islaamka” – Cristiano Ronaldo saaxiibkiisii hore ayaa sheegay in kabtanka Portugal uu doonayo inuu diinta beddelo.
Goolhayihii hore ee Al-Nassr Waleed Abdullah ayaa sheegay in Cristiano Ronaldo uu doonayo inuu qaato diinta Islaamka.
Abdullah ayaa sheegay in uu kala hadlay astaanta Boortaqiiska wax ku saabsan beddelka diintiisa iyo in kan dambe uu muujiyay xiisaha uu u qabo.
Ronaldo, oo 39 jir ah, ayaa la og yahay inuu ku koray guri ay leeyihiin Catholic, wuxuuna si cad u muujiyay caqiidadiisa Kiristaanka. Si kastaba ha ahaatee, u soo guuritaankiisa Sucuudiga 2023 waxa ay ku soo bandhigtay deegaan dhaqan oo Islaamku u badan yahay.
Abdullah, oo qolka labiska kula wadaagay Cristiano Ronaldo al Al-Nassr ka hor inta uusan u dhaqaaqin Al-Diriyah xagaagii, waxa uu dhawaan sheegay in halyeyga ku guulaystay 5-jeer Ballon d’Or uu ‘si dhab ah u doonayo in uu qaato diinta Islaamka’ mar ayuu uu ku dhax sujuuday (Sujuud) garoonka dhexdiisa markii uu gool dhaliyay waxana ku dhiiri galiyay asxaabtiisa in ay raacaan dhaqanka Islaamka.
“Ronaldo dhab ahaantii waxa uu rabaa in uu qaato Islaamka. Waan kala hadlay isaga, wuuna muujiyay xiisaha,” ayuu yiri Abdullah (via Tribune). Waxa uu hore ugu sujuuday garoonka kadib markii uu gool dhaliyay,waxana uu had iyo jeer ku guubaabiyaa ciyaartoyda inay tukadaan oo ay raacaan diinta Islaamka”.
Goolhayaha ayaa iftiimiyay in Ronaldo uu muujiyay xiisaha uu u qabo fahamka dhaqanka Islaamka si uu xiriir adag ula yeesho saaxiibadiisa Muslimka ah.
Abdullah ayaa sidoo kale sheegay in xiddiga Al-Nassr uu hubiyo in asxaabtiisa ay helaan waqtiga lagama maarmaanka ah si ay u gutaan salaaddooda inta lagu jiro xirada tababarka.
“Markii wacitaanka salaadda yacni la aadaamaayo amaba lagu dhawaaqo inta lagu jiro tababarka, Ronaldo wuxuu weydiisanayaa tababaraha inuu hakiyo xoogaha tababarka ilaa uu ka dhammaanayo,” ayuu raaciyay, isagoo hoosta ka xarriiqay dareenka kubbadda cagta ee caadooyinka diimeed ee maxalliga ah inuu ixtiraamaayo.
Abdullah ayaa sidoo kale sheegay in Ronaldo uu aad u jeclaa in uu wax ka barto dhaqanka dalka markii uu yimid Sacuudiga.
“Bilowgii, waxaan ku dhowaa Cristiano sababtoo ah ma uusan aqoon dhaqanka waddanka, kooxda, ama dhinacyo kale. Waxa uu ahaa mid aad u xiiso badan oo inta badan waxa uu i waydiinayay su’aalo ku saabsan tafaasiil gaar ah. ”
Gool-hayaha Al-Diriyah ayaa sidoo kale dib u xasuustay markii uu Cristiano Ronaldo sujuuday kadib markii uu dhaliyay gool, taasoo keentay in dhamaan ciyaartoyda ay ku dhawaaqaan ‘Allaahu Akbar’ iyagoo isku duuban.
Abdullah wuxuu sii xusay dadaaladii hore ee Cristiano Ronaldo saaxiibadiisii hore ee Real Madrid, oo ay ku jiraan Mesut Ozil iyo Karim Benzema, si ay ugu dhiirigeliyaan inuu soo galo diinta Islaamka.
Iyada oo ay jiraan wararka la isla dhexmarayo ee ku xeeran beddelka Cristiano Ronaldo, Abdullah waxa uu carrabka ku adkeeyay dadaalka iyo xirfadnimada ruugcaddaaga 900-gool, isagoo sheegay inuu aad uga go’an yayahay inuu sii joogo halkan.
