Kooxaha Barcelona iyo Real Madrid ayaa ku dagaalamaaya saxiixa weeraryahankii hore ee kooxda Manchester United haatan u ciyaara kooxda Marseille ee Mason Greenwood.
Sida laga soo xigtay warsidaha TBR Football, kooxaha ka dhisan Isbaanishka ee Barcelona iyo Real Madrid ayaa haatan ku tartamaaya xiddiga kooxda Marseille, iyo xulka Ingiriiska ee Mason, Greenwood, oo 23-sano jir ah, iyaga oo doonaaya inay ay keenaan horyaalka waddanka Spain ee La Liga.
Ilaa iyo haaatan, Greenwood ayaa waxa uu 13 kulan u saftay tartamada oo dhan Marseille, isagoo u dhaliyay sagaal gool iyo laba caawin.
Waxa uu Greenwood ugu biiray kooxda Marseille adduun dhan 26.6 milyan oo ginni isaga oo kaga soo biiray kooxda Man United Greenwood xagaagii 2024.
Ciyaaryahankii hore kooxda Getafe amaahda ku joogay ee Greenwood ayaa waxa uu si toos ahu ciyaari karaa lambarka sagaalaad ee weerarka
Barcelona ayaana Greenwood u arki karta bedelka ugu fiican ee mustaqbalka fog ee Robert Lewandowski. Dhanka kale, Real Madrid ayaa laga yaabaa inay doonayaan inay Kylian Mbappe ay ku beddelaan maadama Kylian Mbappe uu la qabsan waayay kooxda Madrid.
