Naadiyada, Chelsea, Arsenal, iyo Liverpool ayaa dhammaantood diyaar u ah inay ku dagaalamaan saxiixa da’yarka reer Portugal ee Martim Fernandes, sida laga soo xigtay TBR Football (via Hard Tackle).
18-jirka Vallongo-ku dhashay wuxuu ku jiray akadeemiyadda UD Valonguense, kahor inta uusan usoo dalicin akadeemiyada Porto. Hadda wuxuu u ciyaaraa kooxda reer Portugal, ee FC Porto.
Tayadiisa ayaa soo jiitay maamulihii hore ee kooxda koowaad Sergio Conceicao, kaas oo ugu dambeyntii u dhiibay kulankiisii ugu horeysay ee kooxda koowaad. Xilli ciyaareedkan, waxa uu ciyaaray 17 kulan tartamada oo dhan, isaga oo caawiye ka ahaa afar kulan.
Tayada Fernandes ayaa waxaa aqoonsaday kooxo badan oo Premier League ah, iyadoo Arsenal, Chelsea, iyo Liverpool ay ka shaqeynayaan saxiixiisa.
Gunners ayaa isha ku heysa inay daafaceeda ku soo kordhiso xiddigo leh xirfado cajib ah oo da’yar, gaar ahaan saxiixa 18 jirka daafac dambeedka midig uga ciyaara kooxda Porto ee Fernandes wuxuu noqon karaa xiddig ku habboon dhankaas.
Reds ayaa arrinta ku cakiran maadaama ay suurtagal tahay inuu isaga tago kara Trent Alexander-Arnold kooxda marka uu qandaraaskiisu dhaco xagaaga 2025.
Halka ay haystaan Conor Bradley inuu kala wareego kabtan ku xigeenka haddii ay dhacdo waxay u baahnaan lahaayeen daafac midig oo cajiib ah, waxayna u arkaan Fernandes oo ku habboon qaab ciyaareedka Reds.
Dhanka kale, Blues waxa ay xaalad niyad jab ah kala kulantay kabtankooda Reece James. 24-jirkan ayaa labadii sano ee lasoo dhaafay ku qaatay la tacaalidda dhaawacyada joogtada ah ee dhanka muruqa.
Waxa uu saftay kaliya 35 kulan tartamada oo dhan labadii xilli ciyaareed ee u dambeeyay. Kooxdu waxay u baahan doontaa inay xal u hesho dhibaatada ka haysata garabka midig, waxayna u arkaan Fernandes ddooka kaliya ee ku xalin karaan.
