Xiddiga Manchester City Kevin De Bruyne ayaa lagu soo waramayaa inuu ka mid yahay afarta xiddig ee ugu waa weyn kooxda kuwaas oo qalinka lagu duugay inay ka tagaan 2025.
Cityzens ayaa ku dhibaatootay xilli ciyaareedkan kadib markii ay ku guuleysteen rikoodh xidhiidh ah afar horyaal oo isku xigta oo Premier League ah, kooxda ayaana isku diyaarineysa inay dib u dhis ku sameyso.
Waxay qaadeen laba tillaabo waa weyn oo ku aadan dib-u-dhiskooda qorshaysan, oo ay ku jirto inay maamule Pep Guardiola u gacan geliyeen qandaraas cusub oo dhacaya 2026, oo leh ikhtiyaar sannad kale ah.
Kooxda ayaa sidoo kale dooratay agaasimaha Portugal Hugo Viana si uu u hogaamiyo mashruuceeda iyadoo Txiki Begiristain uu qarka u saaran yahay inuu ka tago doorkiisa agaasime dhamaadka xilli ciyaareedka 2024-25.
The Athletic ayaa soo wariyay in Manchester City ay u aqoonsatay afarta xiddig ee Ederson, De Bruyne, Kyle Walker, iyo Jack Grealish inay yihiin ciyaartoy la iibinayo sanadka 2025.
Kooxda heysata horyaalka Ingiriiska ayaa diyaar u ah inay u dhaqaaqdo beddelkooda suuqa kala iibsiga xagaaga si ay u hesho xxiddigahau beddli lahayeen booskooda.
