Mohamed Salah ayaa lagu soo waramayaa in uu doonayo in uu saxiixo heshiis hal sano ah ku sii joogaayo qalcadda Anfield.
Sida laga soo xigtay warsidaha The Athletic, Mohamed Salah ayaa doorbidaya heshiis hal sano ah oo uu ku sii joogaayo Liverpool, kadib markii ay soo if baxeen warar dheeraad ah oo ku saabsan mustaqbalka xiddiga reer Masar.
Waxaa jiray warar sheegaya in ay wadahadalo la yeelatay kooxda PSG oo ay kula soo saxiixaneyso xiddiga reer Masar iyo Kooxda Reds ee Mohamed Salah si ay ugu beddelaan Kylian Mbappe.
Kooxaha Saudi Arabia ayaa aad u xiiseynaya inay qaataan xiddiga garabka ka ciyaara, maadaama ay u arkaan inuu yahay ciyaaryahanka ugu magaca weyn Muslimka adduunka, kooxaha Bariga Dhexe ayaana diyaar u ah inay bixiyaan lacag aad u badan si ay u helaan saxiixiisa.
