Daafaca kooxda chelsea ee Ben Chilwell ayaa lagu soo waramayaa in uu diyaar u yahay in uu dhimo mushaharka si uu ugu biiro kooxda Juventus.
Daafaca bidix ayaa aad u jecel in uu si joogto ah u ciyaaro waxana uu u arka Italy talaabada ugu haboon ee xirfadiisa ciyaareed.
Sida laga soo xigtay warbixin ka soo baxday TuttoSport oo laga soo xigtay Football Italia, Chilwell ayaa wadahadalo kula jira Juventus isaga oo doonaaya inuu mushaarkiisa dhimo si uu ugu biiro Juventus bisha Janaayo.
Kooxda Serie A ka dhisan ayaa isha ku heysa inay xiddiga reer England qaab amaah ugala soo wareegto Chelsea inta ka dhiman xilli ciyaareedkan.
Warbixinta ayaa sheegeysa in Blues ay dooneyso inay ka dhaafto lacagta amaahda ah ilaa iyo inta Juve ay ka bixineyso mushaarka daafaca bidix.
Chilwell ayaa waxa uu aad u danaynayaa in uu u dhaqaaqo Turin waxa uuna diyaar u yahay in uu dhimo mushaharkiisa si uu u helo waqti badan inuu ciyaaro.
Tababaraha cusub Chelsea ee Enzo Maresca ayaa ka door biday xiddigaha Reece James iyo Malo Gusto booska dambeedka bidix ee daafaca xiddiga Chillwell.
Enzo Maresca ayaa u sheegay Ben Chilwell inuu ka tago Chelsea
Enzo Maresca ayaa si cad u sheegay qorshihiisa Chelsea wuxuuna ku booriyay Ben Chilwell inuu baxo.
Waxa uu qiray in daafaca bidix uusan boos joogta ah siineenin islamarkaana uu ku dhibtoon doono Stamford Bridge maadaama uusan qeyb ka aheyn kooxdiisa ugu weyn xilli ciyaareedkan.
