Arsenal ayaa ku qasbanaan doonta inay bixiso 50 milyan oo euro si ay u hesho adeega xiddiga diirada u saaran Liverpool ee Ademola Lookman oo ka tirsan Atalanta, sida laga soo xigtay Corriere dello Sport.
Weeraryahanka reer Nigeria ayaa qaab ciyaareed cajiib ah ku qaadanaya kooxda Serie A xilli ciyaareedkan, laakiin waxaa loo ogolaan doonaa inuu sare u qaado xirfadiisa ciyaareed ilaa iyo xagaaga 2025.
27 jirkaan ayaa ka dhaliyay seddexley cajiib ah kooxda Bayer Leverkusen finalkii tartnka Europa League.
Lookman waxa uu xilli ciyaareedkan ku soo afjaray 17 gool iyo 10 caawin 45 kulan oo tartamada oo dhan ah.
PSG ayaa lagu soo waramayaa inay xiiseyneysay adeega ciyaaryahanka xagaagii, laakiin masoo gudbin wax dalab ah oo ku aadan ciyaaryahanka
Dhanka kale, Arsenal ayaa qorsheyneysa inay lasoo wareegto ciyaaryahanka sanadka 2025. Atalanta ma oggolaan doonto inuu baxo Janaayo, laakiin aad ayey ugu habboon tahay bixitaanka xagaaga, waase haddii la buuxiyo qiimihii ay weydiisteen.
Kooxda ka dhisan waqooyiga London ee Arsenal ayaa laga yaabaa inay tartan adag kala kulanto Liverpool, kuwaas oo waqti dheer baadi goobaayay xiddiga reer Nigeria.
