Weeraryahanka kooxda Eintracht Frankfurt ee Omar Marmoush ayaa lagu soo waramayaa inuu doonayo inuu ku biiro Liverpool, iyadoo wadahadalada ay u wada socdaan dhinacyada, sida laga soo xigtay majaladda Jarmalka ee BILD.
Weeraryahanka reer Masar ee Omar Marmoush ayaa xilli ciyaareedkan dhaliyay 11-gool 14-kulan oo uu ciyaaray, wuxuuna la siman yahay Harry Kane bilowga ololahan.
Liverpool ay haatan lala xiriirinayaa inay 42-50 milyan ginni kula soo wareegi karto 2025 xididga reer Masar ee Omar Marmoush.
Sida laga soo xigtay BILD, Marmoush, ayaa noqday weeraryahanka ugu sarreeya ee Bundesliga isaga oo ka fiirsanayo doorkiisa mustaqbalka, u dhaqaaqista horaanta bisha Janaayo uma badna – waxaa la sheegay inuu ku qanacsan yahay Frankfurt xilligan oo uu hiigsanayo inuu kula tartamo kooxda xilli ciyaareedkan.
Kooxda ka dhisan gobolka Merseysider-ka ayaa haatan shan dhibcood ka sarreysa kooxda horyaalka difaacaneysa ee Manchester City, sidoo kalena waxay sagaal dhibcood ka sarreeyaan kooxda Arsenal, oo ku jirta kaalinta afaraad iyadoo kaliya 11 kulan oo horyaalka ah la ciyaaray.
