Kooxda Manchester United ayaa lagu soo waramayaa inay diyaar u tahay inay qandaraas cusub u gacan geliso Amad Diallo kaas oo u oggolaanaayo in saddex jibaar looga dhigo mushaharkiisa toddobaadlaha uu qaato oo ah £29,000 waxaana uu jeebka ku shuban doono ku dhawaad £90,000.
Sida lagu sheegay warbixin ay soo saartay The Sun, Amad Diallo ayaa qarka u saaran inuu heshiis cusub ka helo Manchester United.
Red Devils ayaa diyaar u ah in ay u gacan geliso xiddiga heerka caalami ee dalka Ivory Coast heshiis saddex jibaar ah, iyadoo heshiiska uu ka qaadanayo mushaarkiisa todobaadlaha ah uu yahay £29,000 islamarkaana looga dhigaayo ku dhawaad £90,000.
Weeraryahanka da’da yar ee Amad Diallo ayaa waxa uu ku faraxsan yahay inuu sii joogo garoonka Old Trafford, labada dhinac waa inay si dhaqso ah heshiis u gaaraan.
Amad Diallo ayaa waayay fursad uu kusoo bandhigo tayadiisa, tan iyo markii uu Manchester United kaga soo biiray Atalanta bishii Janaayo 2021.
Weeraryahanka reer Ivory Coast ee Diallo ayaa yimid Old Trafford isaga oo da’yar ah oo aad loo qiimeeyo laakiin ma uusan helin fursado uu isku muujiyo tan iyo markii uu yimid seddexdii sano iyo bar ee ugu dambeysay.
Ciyaaryahanka heerka caalami ee dalka Ivory Coast ayaa dhawaan soo bandhigay tayadiisa, isagoo dhaliyay labo gool oo ay ku badisay Manchester United oo 2-0 ku garaacday PAOK, islamarkaana ay ku gaareen guushoodii ugu horeysay ee Yurub muddo sanad ah.
Diallo ayaa weli ku faraxsan inuu kusii nagaado Manchester United, waxaana laga yaabaa inuu qandaraas cusub u saxiixo Red Devils.
