Kooxda Manchester City ayaa u safraysa gigada Vitality Stadium oo ay ku ciyaarto Bournemouth kulan ka tirsan horyaalka waddanka ingiriiska ee Premier League.
Xogta: Kulanka
Tartanka: Premier League
Wareegiisa: 10-aad.
Garoonka: Vitality Stadium 🏟
<Saacadda: 18:00-Maqribnimo-habeenimo.
Garsoore: Michael Oliver England 🏴
Xaqiiqoyinka Kulanka
●Bournemouth wax guul ah ma gaarin 20-kii kulan ee horyaalka ee ay la ciyaartay Manchester City (D2 L18).
●Waa kooxda ugu badan ee wajahdo koox kale iyada oo aan waligeed guul gaarin taariikhda Kubadda Cagta Ingiriiska.
●Citizens ayaa badisay dhammaan 14-kii kulan ee Premier League oo ay la ciyaartay Bournemouth isku cel celis ahaan 45-7.
●Bournemouth ayaa laga badiyay dhamaan 11-kii kulan ee Premier League ay la ciyaartay kooxaha ku soo bilowday maalinta hogaanka horyaalka, waana khasaarihii ugu xumaa ee 100% ah taariikhda tartanka.
●Bournemouth ayaa badisay labadii kulan ee ugu dambeeyay Premier League ay ku ciyaartay garoonkeeda, oo ay ku jirto guushii 2-0 ay ka gaareen Arsenal kulankii ugu dambeeyay. Kaliya seddex jeer oo hore ayay guul soo gaareen seddex kulan oo xiriir ah oo ka dhacay garoonka Vitality Stadium, inkastoo dhacdadii ugu dambeysay ay aheyd bilihii March/April ee sanadkan.
●Manchester City ayaan laga badinin dhamaan 28-kii kulan ee ay ciyaartay Premier League ilaa haatan sanadka 2024 (W23 D5). Kaliya labo kooxood ayaa taariikhda horyaalka Ingiriiska guuldarro la’aan soo maray bilowgii sanadka – Chelsea 2005 (29) iyo Nottingham Forest 1978 (35).
