Kooxaha Arsenal iyo Manchester United ayaa lagu soo waramayaa inay isha ku hayaan Randal Kolo Muani, iyadoo wararka xanta ah ee sheegayaan inuu ka tagayo PSG.
Sida laga soo xigtay Inter-Live, Arsenal iyo Manchester United ayaa xiiseenaya inay u dhaqaaqaan xiddiga Randal Kolo Muani haddii uu isaga hayaamo PSG.
Wararkii ugu dambeeyay ayaa si joogta ah u tilmaamayay inuu doonayo inuu isaga tago kooxda Faransiiska ee PSG mustaqbalka soo socda, markaas oo uu u dhaqaaqaayo Premier League.
Xiliciyaareed kan, waxa uu kusoo bilowday kaliya seddex kulan tartamada oo dhan PSG, iyadoo wararka xanta ah ee ku aadan inuu mustaqbalkiisa ka bixi karo ay wali sii wadaan warbaahinta.
Newcastle United ayaa lagu soo waramayaa inay ka fiirsaneyso inay u dhaqaaqdo Kolo Muani si ay ugu bedelaan Alexander Isak.
Sikasta ha ahaatee waxaa loo soo bandhigay dhowr koox oo Premier League ah, iyadoo kooxaha Manchester United iyo Arsenal haatan ay yihiin kuwa ugu cad cad saxiixiisa 25 jirka reer France ee Kolo Muani. Randal Kolo Muani ayaa PSG uga soo biiray xagaagii 2023, Eintracht Frankfurt.
