Xiddiga garabka uga ciyaara kooxda iyo xulka ingiriiska ee Bukayo Saka ayaa seegay labadii kulan ee ugu dambeeyay ee kooxda, oo ay ku jirto guuldaradii Gunners 2-0 ka soo gaartay Bournemouth.
Bukayo Saka ayaa qarka u saaran inuu kasoo muuqdo kulanka wayn ee la wada sugaato Arsenal ay wajahayso Liverpool axadda soo socota ee Premier League, sida laga soo xigtay wargeyska FootballTransfers.
Saka sidoo kale ma uusan ciyaarin kulankii ay kooxdiisu guusha ka gaartay Shakhtar Donetsk, laakiin dhaawacu ma ahan mid halis ah sidii markii hore loo maleenayay, xiddiga heerka caalami ee dalka England ayaana kasoo muuqan doona safka hore kulanka Liverpool.
laakiin ilo wareedyo lagu kalsoon yahay ayaa u sheegay warsidaha football Transfer in Mikel Arteta lagu wargeluyay inuu kaoso muuqanaayo Saka kulanka muhiimka ah ee Reds.
Arsenal waxay haysataa liis badan oo dhaacyo iyo maqnaansho ah. William Saliba ayaa ku seegi doona ciyaarta hal kulan oo ganaax ah kadib markii laga saaray kulankii Cherries oo uu qaatay casaan.
Sido kale Jurrien Timber ayaa waxaa laga yaabaa inuu seego ciyaarta, laakiin naadigu waxay sugayaan xiliga uu kusoo labanaayo.
Ciyaaryahankii hore ee kooxda Ajax ayaa dhaawac muruqa ah ka soo gaaray horaantii bishaan ciyaartii Paris Saint-Germain.
Waxaa naloo sheegay in Martin Odegaard uu horumar fiican samaynayo ka dib dhaawacii canqowga ka soo gaaray intii uu u ciyaarayay Norway bishii hore.
