Kooxda hoggaanka u haysa horyaalka waddanka Spain La Liga ee Barcelona ayaa isku dayi doonta in ay ku soo laabato wadada guulaha, marka ay wajahayaan kooxda Celta Vigo.
Barcelona ayaa xilli ciyaareedkan ka mid ah kooxaha ugu awooda badan qaaradda Yurub, iyaga oo ku jira qaab ciyaareed fiican waxayna hoggaminayaan horyaalka waddanka Spain ee La Liga 13-kulan oo ay ciyaareen waxay leeyihiin 33-dhibcood 11-kulaan ayay guul gaareen halka laba kulan ay qasaaro la kulmeen.
Kooxda martida loo yahay ayaa xilli ciyaareedka cusub ku bilaabatay si isku dhafan, waxaana ay haatan ku jiraan kaalinta 11-aad ee miiska kala sarreynta iyagoo leh 17 dhibcood 13 kulan oo ay ciyaartay. Kooxda Galician ayaa ilaa hadda haysata shan guul, laba barbaro iyo lix guuldarro.
Xaqiiqoyinka Kulanka:
●Kooxda Barcelona ayaa badisay 66-ka mid ah 116 kulan oo ay la ciyaartay Celta Vigo, kuwaas oo kaliya 23 guulood ka gaadhay Barcelona.
●Celta Vigo ayaa kaliya laga badiyay labo ka mid ah sagaalkii kulan ee ugu dambeysay oo ay gurigeeda kula ciyaartay Barcelona horyaalka La Liga.
●Kooxda reer Catalan ayaa badisay afar ka mid ah shantii kulan ee ugu dambeeyay horyaalka oo ay la ciyaartay kooxda gurigeeda.
●Kooxda Hansi Flick ayaa laga badiyay todobo ka mid ah 17-kii kulan ee ay ku ciyaartay garoonka Balaidos, waxa ay guuldarrooyin badan ku soo gaareen garoonkeeda Santiago Bernabeu Stadium isla muddadaas.
●Blaugrana waxa ay ku jirtay todobo kulan oo isku xigta oo guul ah tartamada oo dhan ka hor inta ayna guuldaro kala kulmin Real Sociedad kulankii ugu dambeeyay.
