Kooxda Real Madrid ayaa ka fiirsaneysa inay lasoo wareegto weeraryahanka kooxda Atalanta ee Ademola Lookman, kaasoo sidoo kale oo ay dooneyso kooxda Premier League ka ciyaarta ee Manchester United, sida laga soo xigtay Fichajes.
Ciyaaryahanka heerka caalami ee dalka Nigeria ayaa ku jira qaab ciyaareed aad u wanaagsan, isagoo soo jiitay qaar ka mid ah kooxaha ugu awoodda badan ee qaaradda Yurub.
laacibka ugu cad cad ee u tartami doona abaalmarinta CAF 2024 ciyaaryahankii ugu fiicnaa Afrika, isla markaana ah ninka kaliya ee Afrikaan ah ee u sharaxan abaal marinta Ballon d’Or sanadkan, Lookman ayaa ah midka ah weeraryahanada ugu tayada fiican ee Serie A.
Warbixinta aan kor kusoo xusnay ee Fichajes.net ayaa muujineysa in weeraryahanka Nigeria uu soo jiitay kooxda hanatay Champions League ee Real Madrid, islamarkaana ay diyaar u yihiin inay u dhaqaaqaan saxiixiisa.
27-sano jirkaan ayaa waxaa horay u baadi goobayay Manchester United, kuwaas oo sidoo kale xiiseynaya inuu dib ugu soo laabto Premier League.
Ademola Lookman ayaa si gaar ah u soo bandhigay qaab ciyaareed cajiib ah xilli ciyaareedkii 2023-24, isaga oo kooxda Atalanta ku hogaamiyay tartanka UEFA Europa League, kaas oo ah koobkoodii ugu horeeyay abid ee Yurub.
Ciyaaryahanka reer Nigeria ayaa final-kii sameeyay taariikh, isagoo dhaliyay seddexleydiisii sidii Bayer Leverkusen seefta ugu riday, islamarkaana ay soo afjareen rikoorkoodii guuldaro la’aanta ahaa ee xilli ciyaareedka.
Real Madrid ayaa garwaaq-satay in ay ka maqan tahay xididg halis ku ah weerarka oo goolal badan dhalin karo, waxana ay eegi doontaa bartilmaameedka Lookman sababtan awgeed suuqa kala iibsiga xagaaga 2025.
Laacibkii hore ee Everton ayaa la filayaa inuu ku kaco adduun dhan 70 milyan oo Yuuro. Isagoo sideed gool dhaliyay shan kalena caawiye ka ahaa 14 kulan oo uu saftay xilli ciyaareedkan
Lookman ayaa xiiso ka helaya Los Blancos oo kaliya, laakiin sidoo kale Manchester United iyo qaar ka mid ah kooxaha kale ee hogaaminaya Yurub.
Weeraryahanka ayaa lagu soo waramayaa in uu ahaa xiddiga diiradda u saarnaa xagaaga ee kooxda Paris Saint-Germain, taasoo ugu dambeyntii ku guuldareysatay inay la wareegto.
