Tababaraha cusub kooxda Manchester United ee Ruben Amorim ayaa dib ugu soo celinaayo Old Trafford xiddiga Jadon Sancho oo qaab amaah loogu diray Chelsea.
Xiddiga reer England ee Jadon Sancho ayaa waxaa laga diray United, maalinta ugu dambaysa ee suuqa kala iibsiga heshiis amaah ah xagaagii la soo dhaafay.
24-sano jirkaan ayaa aad u doonayay inuu baxo maadaama uu ka baxay qorshaha tababarihii hore ee Man Utd Erik ten Hag, kaasoo oo soo dhex maray xiriir aad u adag.
Kooxda Chelsea waxa ay Sancho kula soo wareegtay qaab amaah ah marka hore haddii uu anfaco kooxda waxa u furan inay si joogto ah kula wareegto 25 milyan ilaa 30 milyan euro xagaaga dambe.
Taasi waxay u muuqataa mid la hubo maadaama Sancho iyo Chelsea labaduba ay si adag ku bilowdeen nolosha xilli ciyaareedkan.
Laakiin xiddigii hore ee Portugal Jose Fonte ayaa aaminsan in Sancho Man Utd ay weli u baahan tahay wuxuuna saadaaliyay in uu markan guulaysan doono hadii uu Old Trafford ku soo laabto sababa la xidhiidha imaatinka Ruben Amorim ee tababarenimada.
Jason Sancho ayaa dhibaato kala kulmay intii uu jooagy Erik ten Hag iyaga oo isku dhacay marar badan xiddiga reer England,hasa ahaatee Sancho ayaa waxa uu Man Utd kaga soo biiray Dortmund lacag dhan 85 milyan oo euro xagaagii 2021.
Laakin waxa uu niyad jab weyn kala kulmay Old Trafford kadib markii ay isku dhaaceen Erik ten Hag kaas oo go’aansaday Ten Hag inuu ka diro United wuxuuna qaab amaah ah ugu diray Chelsea.
Sancho aya waxa uu dhaliyay kaliya 12 gool 82 kulan oo uu u saftay Man United waxana uu si joogto ah u ahaa ciyaartoy kaydka ah intii uu joogay kooxda iyada oo horraantii xilli ciyaareedkii hore, Sancho ayaa laga saaray kooxda Man Utd.
Waxay timid kadib markii tababare Ten Hag uu si fagaare ah ugu dhaleeceeyay Sancho qaab ciyaareedkiisa liita ee tababarka, taas oo hadal heen badan abuurtay Sancho ayaana laftiisa beeniyay marka dambe kuna tilmaamay ten Hag beenaale caddeestay.
Sancho ayaa haatan lagu wadaa in dib loogu soo celiyo Old Trafford si uu wacdaro uga dhigo halkaas, islamarkaana la siiyo fursad labaad oo uu isku muujiyo tayadiisa ciyaareed, waxaana doonaaya tababaraha cusub ee kooxda Man United ee Ruben Amorim inuu kula midoobo Old Trafford.
