Xiddigaha Ben Chilwell iyo Alvaro Fernandez Carreras ayaa lagu soo waramayaa inay yihiin bartilmaameedyada ugu sarreeya ee Manchester United, iyadoo Red Devils ay mudnaanta siineyso inay lasoo saxiixato daafac bidix bisha Janaayo.
Sida laga soo xigtay wargayska Caught Offside, Manchester United ayaa mudnaanta siin doonta saxiixa daafac bidix marka la gaaro suuqa January.
Red Devils ayaa u calaamadsatay bartilmaamedyada ugu sarreeya si ay ugu xoojiso booska daafaca bidix, xiddigaha Ben Chilwell oo ka tirsan Chelsea iyo xiddigii hore ee akadeemiyada Alvaro Fernandez Carreras ayaa ugu jira liiska ugu sarreeya.
Ben Chilwell ayaa waayihiisa ciyaareed hakad ku yimid tan iyo markii Enzo Maresca loo magacaabay tababaraha cusub ee Chelsea dhowr bilood ka hor.
Daafaca bidix kasoo jeeda Ingriiska ee Ben Chilwell ayaa boos joogta ah ka wayay Blues waxaana uu ciyaaray 45daqiiqo oo kaliya kadib markii ay ku guuldaraysteen in ay kala tagaan suuqii xagaaga.
Red Devils ayaa muhiimada koowaad siineysa saxiixa daafac bidix marka uu furmo suuqa kala iibsiga ciyaartoyda bisha Janaayo, iyadoo labada ciyaaryahan ay yihiin bartilmaameedkooda ugu sareeya.
