Kooxda Manchester United waxa ay gacan ka geysan kartaa maalgalinta u dhaqaaqista Chelsea ee Victor Osimhen sanadka 2025, sida laga soo xigtay L’Equipe.
Warbaahinta Faransiiska ayaa soo warisay isniintii in Man Utd ay qorsheynayso inay bisha Janaayo u dhaqaaqdo bedalka Chelsea Christopher Nkunku.
Tababaraha cusub Man Utd ee Ruben Amorim ayaa dareensan in Nkunku uu yahay weerariyahan ku fiican shaxdiisa 3-4-3, xiddiga reer France ayaana isha ku hayaa inuu dhaqaaqo isagoo ku dhibtoonaya inuu boos joogta ah uu ka helo qalcada Stamford Bridge.
Chelsea ayaa idoo kale, waxaa lagu soo waramayaa, inay doonayaan inay isska iibiyaaan, maadaama Nkunku uusan ku habooneyn nidaamka Enzo Maresca.
Intaa waxaa dheer, Blues ayaa markaas u isticmaali doonta lacagta lagu iibiyo Nkunku waxayna rajeynayaan inay ku dhowaato 60 milyan oo Yuuro si ay ugu soo iibsadeen Osimhen.
Osimhen ayaa waxa uu Galatasaray ku biiray bishii Sebtembar isaga oo si lama filaan ah uga tagay Napoli kadib markii maalintii ugu dambaysay la doonayay inuu wareego Chelsea (iyo Sucuudiga) laakin fashil ayay kusoo dhamaatay.
Laakiin Chelsea ayaa laga yaabaa inay dib ugu soo laabato inay dalab kale ka gudbiso Osimhen bisha Janaayo, iyo hadii aysan ahayn xagaaga.
Napoli ayaa hheshiiskiisa alatasaray gelisay qodob u ogolaan doona kooxda reer Italy in ay iska iibiyaan weeraryahanka inta lagu guda jiro suuqa kala iibsiga January.
Osimhen ayaa amaah ugu biiray Galatasaray xilli ciyaareedkan isaga oo kaga soo biiray Napoli ilaa June 2025.
Qaab amaah ayay kula soo wareegeen xididga Osimhen kooxda Galatasaray waxa ayna si fudud ay u dabarayaan mushaharkiisa laga bilaabo Sebtembar ilaa Juunyo oo ay ku kacayso €10 milyan.
Osimhen ayaa si cajiib ah ku bilowday waayihiisa ciyaareed ee Galatasaray, isagoo dhaliyay sideed gool sagaal kulan oo uu saftay tartamada oo dhan.
Galatasaray ayaa wadahadalo la furtay Osimhen kadib markii uu xiddiga reer Nigeria ku guuldareystay inuu dhameystiro heshiiska ka hor inta uusan xirmin suuqa kala iibsiga ee Yurub.
Laakiin Chelsea ayaa heli doonta lacagta ay ku iibsan karto Osimhen hadii ay Nkunku ka iibiso Man Utd.
Ciyaaryahanka reer Nigeria ayaa ahaa ciyaaryahan muhiim ah ololaha Scudetto, isagoo dhaliyay 26 gool oo horyaalka ah 32 kulan oo uu ciyaaray.
