Kooxda Real Madrid ayaa ku wargalisay Liverpool inay doonayso saxiixa Trent Alexander-Arnold, sida laga soo xigtay talkSPORT.
Daafaca midig ee reer England ayaa ku jira sanadkii ugu dambeeyay ee qandaraaskiisa Anfield walina ma uusan aqbalin heshiis cusub.
Los Blancos waxa ay doonaysaa in ay si bilaash ah ku hesho adeegiisa xagaaga 2025.
Waxa uu xor u yahay inuu heshiis horudhac ah la gasho bisha January xiddiga reer England ee Arnold kooxaha ajnabiga ah marka uu galo lixda bilood ee ugu dambeeya heshiiskiisa.
Kooxda ka dhisan LaLiga wax waajibaad ah kama saarna inay ku wargeliso kooxda Merseyside waxa ay damacsan tahay.
Reds ayaan weli diyaar u ahayn inay iska fasaxaan xiddiga reer England ee Arnold, waxayna ku rajo weyn yihiin inay ku qanciyaan 26 jirka inuu sii joogo Anfield.
Sikastaba ha ahaatee waxa uu diidan yahay inuu u kordhiyo qandaraaskiisa Reds daafaca reer England ee Alexander-Arnold, waxaan uu maankiisa ku haayaa maalin uun inuu xidho maaliyada cad-cadka ee Real Madrid si uu uga soo muuqdo Santiago Bernabeu
