Kooxda Manchester United ayaa waxay dooneysa inay lasoo saxiixato Khvicha Kvaratskhelia xagaaga soo aadan, waxaana ay diyaar u tahay inay dalab weyn ka gudbiso qandaraaska ay ku dooneyso xiddiga reer Georgia.
Sida laga soo xigtay Sport Mediaset, Manchester United ayaa waxay si xooggan u doonaysa xiddga reer Georgia iyo kooxda Napoli ee Khvicha Kvaratskhelia inay lasoo wareegto kahor xagaaga soo socda.
Red Devils ayaa doonaysa in ay xiddiga reer Georgia ku soo xero galiso lacag dhan 9 milyan oo euro xilli ciyaareedkii taas oo ka dhigaysa waxa ay miiska u saartay kooxdiisa haatan ee Napoli oo ah 6 milyan oo euro.
Waxaa jiray xoogaha shaki ah oo ku saabsan mustaqbalka Khvicha Kvaratskhelia xagaagii hore markii PSG ay la timid dalab weyn.
Kooxda Parisians waxay rabeen inay ka faa’iideystaan mushaarka garabka ee Napoli waxaana lagu soo waramayaa inay u soo bandhigeen 10 milyan euro xilli ciyaareedkii mushaar saafi ah si uu uga tago Naples.
Si kastaba ha ahaatee, qiimaha ay Napoli ku dalbatay waxay ahayd mid adag oo aad u wayn, mana doonayso in xididga reer George ay u oggolaato inuu baxo marka hore.
Xiddiga garabka ka ciyaara ayaa udub dhexaad u ahaa Napoli sannadihii lasoo dhaafay, gaar ahaan ololaha hanashada horyaalka iyo kan hadda socda ee Conte, halkaasoo ay mar kale ku loolamayaan Scudetto.
Waxa uu haatan wax yar ka qaataa 2 milyan oo euro sanadkii mushaharka guud, iyada oo kooxda ka dhisan Serie A ay doonayso in ay heshiis cusub ka saxiixato waxayna miiska u saaraaysa 6 milyan oo euro oo mushahar ah oo ay ku jiraan gunnooyin.
Manchester United ayaa doonaysa in ay xagaaga soo socda la soo wareegto Kvaratskhelia waxayna doonaysaa in ay 9 milyan oo euro u soo bandhigto xiddiga garabka ka ciyaara oo ay ka soo kaxayso Napoli.
Napoli ayaa si cad u sheegtay in aysan dooneynin in ay bixiso in ka badan 6 milyan oo euro xilli ciyaareedkii taas oo waddada u xaari karta in Red Devils ay gacanta kusoo dhigto.
Kooxaha Barcelona, PSG, Manchester City, Reds, Bayern Munich, iyo kooxo kale ayay tartan kala kulmi kartaa Man United xiddiga reer Georgia iyo kooxda Napoli ee Khvicha Kvaratskhelia.
