Zinedine Zidane waa mid ka mid ah ciyaartoyda kubbadda cagta ee abid ugu waynaa ee soo mara dunidan marka loo eego jiilkiisa.
Ku guuleystaha Champions League, European Championship, iyo World Cup ee Zidane ayaanan ka ciyaarin tartanka horyaalka waddanka ingiriiska ee Premier League, oo ka mid ah horyaalada ugu xiisaha iyo xamaasadda badan kubadda cagta hasa ahaatee halyeeyga khadka dhexe waligiis kama ciyaarin waayihiisa quruxda badan.
Zinedine Zidane waa mid ka mid ah ciyaartoyda ugu fiican ee aan waligood ka ciyaarin Premier League.
Laacibka reer France ayaa lala xiriiriyay kooxaha Blackburn iyo Newcastle intii uu ku guda jiray xirfadiisa ciyaareed.
Zidane ayaa magacaabay 11-kii abid ugu fiicnaa Premier League isagoo wareysi bixiyay sanadkii 2016 waana tan shaxda 11-ka ciyaaryahan ee uu u doortay kuwii ugu fiican Premier League soo mara.
Zidane ayaa u doortay goolhaye Peter Schmeichel, daafacyada waxa uu u doortay ciyaartoyda kala ah Gary Neville, Rio Ferdinand, Jaap Stam, & Ashley Cole, qadka dhexe waxa uu usoo xushay, Steven Gerrard, Claude Makelele, Patrick Vieira, & Paul Scholes, dhanka weerarka waxa uu usoo qaatay, Thierry Henry, iyo Cristiano Ronaldo waana 11- ciyaaryahan ee ebid ugu fiicnaa Premier League soo mara taariikhda kubbadda cagta sida uu qabo Zidane.
