Kooxda Manchester City ayaa diyaar u ah inay miiska saarto lacag dhan 150 milyan oo euro si ay ula soo wareegto Rodrygo Goes xagaaga soo socda.
Sida laga soo xigtay warsidaha Isbaanishka ah ee Fichajes, Manchester City ayaa aad u doonaysa xididga reer Brazil ee Rodrygo Goes waxayna miiska u saari doontaa adduun dhan 150 milyan oo euro.
Man City ayaa waxaa mustaqbalka dhaw tagi kara macalin Pep Guardiola Kevin De Bruyne iyo sidoo kale Haaland kuwaas oo aan mustaqbalkooda la hubin.
Manchester City ayaa lagu soo waramayaa inay diyaar la tahay 150 milyan oo euro si ay ula soo wareegto xiddiga Real Madrid, inkastoo aysan jirin wax wada xaajood toos ah oo dhex maray labada koox.
Hasa ahaatee kooxda Real Madrid ayaan dooneynin inay iska iibiso Rodrygo qiimo kasta, oo loo keeno maadaama uu yahay mid ka mid ah xiddigaha ugu muhiimsan ee Madrid.
