Xiddiga kooxda Real Madrid ee Vinicius Jr ayaa lagu soo waramayaa in aanu u duuli doonin Paris si uu uga qayb galo xaflada Ballon d’Or kadib markii lagu wargaliyay in aanu ku guulaysan doonin abaalmarinta caanka ah e Ballon d’Or.
Laacibka reer Brazil ayaa la rumeysan yahay inuu ku guuleysan lahaa abaal-marintiisa ugu horreysay ee sannadka kaddib xilli ciyaareed cajiib ah oo uu ka caawiyay Los Blancos inay ku guuleysato koobkeedii 15-aad ee Champions League iyo sidoo kale tartanka La Liga.
24-sano jirkaan ayaa gool dhaliyay finalkii ka dhacay Wembley Stadium, wuxuuna ku dhameystay xilli ciyaareedkii 2023/24 isagoo dhaliyay 35 gool 39 kulan oo uu ciyaaray tartamada oo dhan.
Xiddigaha Real Madrid Laga Waayay Xaflada Ballon d’Or.
Macalinka kooxda Real Madrid ee Carlo Ancelotti iyo Jude Bellingham ayaa sidoo kale laga waayi doona abaalmarinta xaflada Ballon d’Or.
Sida laga soo xigtay saxafiga caanka ah ee kasoo jeedo Talyaaniga ee Fabrizio Romano, ayaa xaqiijiyay inuu ku guulesanaayo abaal marinta xaflada Ballon d’Or xiddiga reer Spain iyo kooxda Man City ee Rodri.
Laacibka kooxda Man City iyo xulka Spain ee Rodri ayaa durba gaaray magaalada Paris si uu ugu guuleysto abaalmarinta kahor xafladda caawa ee Ballon d’Or oo lagu wado inay ka dhacdo caasimada France.
