Kooxda Arsenal ayaa isha ku haysa in ay xoojiso kooxdeeda dhanka weerarka iyada oo la soo saxiixanayso xiddiga xulka Serbia ee Dusan Vlahovic oo ka tirsan Juventus.
Gunners ayaa waxay isha ku haayaan inay la soo saxiixdaan xiddiga heerka caalami ee dalka Serbia xagaaga soo aadan sida lagu sheegay warbixin ka soo baxday Football Insider.
Waxay noqon doontaa mid xiiso leh in la arko haddii ay heli karaan heshiiska. Arsenal ayaa rajeyneysa inay lasoo saxiixato ciyaaryahan Harry Kane oo kale ah, kaas oo dammaanad qaadi kara inuu gooalal badan dhaliyo, si uu hogaamin dhanka weerarka.
Vlahovic ayaa muujiyay tayadiisa kubada cagta horyaalka waddanka Talyaaniga ee Serie A, waxaana laga yaabaa inuu noqdo mid tayo leh oo ay lasoo wareegto kooxda Waqooyiga London ka dhisan ee Arsenal.
Waxaa lala xiriirinayay inuu ka tagayo kooxda Juventus bilihii ugu dambeeyay ee suuqa, waxaana dabcan adeegiisa xiisenaaya Arsenal oo doonaysa inay hishiis cusub la gaarto, kooxda reer Talyaani.
Fursada uu ugu dhaqaaqi karo horyaalka waddanka ingiriiska ee Premier League ayaa aad u xiisa gelin doonta weeraryahanka reer Serbia ee Dusan Vlahovic, waxaana uu isku dayi doonaa inuu isku baro tayadiisa xagga gooldhalinta iyo caawin intaba.
