Kooxda Manchester City ayaa waxay doonaysa in ay ku iibiso kabtankoda Kyle Walker oo 34 jir ah iilaa 15 milyan oo ginni xagaaga soo socda.
Daafaca dambeedka midig ee xulka ingiriiska ee Kyle Walker ayaa diirada u saaran kooxda Saudi Arabia ee Al-Ahli kuwaas oo doonaayo inay lacago badan siiyaan xiddigan si ay u keenaan horyaalka SaudiProLeague(Daily Star),
Kooxaha Manchester City iyo Liverpool ayaa muujinaya xiisaha ay u qabaan weeraryahanka xulka Argentina iyo kooxda Brighton ee Facundo Buonanotte, oo 19-jir ah kaas oo amaah ku jooga Leicester City. (Fichajes – Isbaanish),
Kooxda Liverpool ayaa bartilmaamayd ka dhigatay daafaca kooxda Borussia Dortmund iyo xulka Germany ee Nico Schlotterbeck, oo 24 jir ah, si ay ugu beddelaan Virgil van Dijk haddii uu xiddiga reer Holland ka tago kooxda xagaaga soo socda. (Caught Offside).
Kooxda Manchester United ayaa laga yaabaa inay dib ula soo saxiixato daafaca bidix ee Alvaro Fernandez, oo 21-jir ah, kaas oo kaliya heshiis joogto ah ugu biiray Benfica xagaagii waxaana sido kale isha ku haaaya kooxaha Liverpool iyo Real Madrid. (Teamtalk)
Kooxda Barcelona ayaa wadahadalo heshiis kordhin ah la furtay daafacooda Ronald Araujo, oo 25 jir ah kaas oo bartilmaameed u ah kooxaha Manchester United iyo Chelsea – iyo sido kale khadkooda dhexe Frenkie de Jong, oo 27 jir ah, kaas oo sidoo kale ay dooneyso Red Devils. (90minute)
